بنتعرض لإعلانات كتير على مدار يومنا سواء في الشارع أو في التلفزيون أو في الجرايد والمجلات ومؤخرا النت والسوشيال ميديا اللي ملئ بالإعلانات ومش بتخلص 

واحنا هنا في "حريف ماركتنج" في صدد إننا نتكلم عن إعلانات السوشيال ميديا من خلال إننا هنقول نبذة ومقدمة عن كل منصة على حدا، وبعد كده نفصصهم إن شاء الله في خلال رحلتنا للتعلم وتطوير الذات مع بعضنا في "حريف ماركتنج". 

هنقول هنا في الأول كده شوية نصايح مهمة لازم نعرفها واحنا بنشتغل في إعلانات السوشيال ميديا: 

- يُفضل الصور تكون واضحة وزاهية زي مثلا البرتقالي أو الأصفر أوالأحمر، واللي  بتختلف بوضوح عن ألوان فيسبوك وتويتر الزرقاء على سبيل المثال.

- عدم الإفراط في استخدام الفلاتر اللي بتقلل من كثافة وجودة الصور.

- تحري وضوح عناصر التصميم بحيث تكون النصوص مقروءة بسهولة، ولا توجد شعارات أو نصوص تحجب أجزاء مهمة من صورة الخلفية.

لو بتقدم خصومات أو عروض وضحّها في التصميم باستخدام الطريقة البصرية اللي يترجمها المستخدم لخصم أو عرض، على سبيل المثال: اللون الأحمر للسعر قبل الخصم، واللون الأخضر للسعر بعد الخصم.

وفي حاجات تانية كتير بنكتشفها ونتعلمها مع بعضنا هنا في "حريف ماركتنج"، تابعنا عشان نكمل كلامنا عن إعلانات السوشيال ميديا.